Qida qatqı maddələrinin istehsal bazarı

Qida qatqı maddələrinin istehsalı və istehlakı hər keçən il artmaqdadır. 1968-ci ildə 50.000 ton və 1987-ci ildə 350.000 ton olan sitrik turşu istehsalı 2005-ci ildə 1 milyon tona yüksəlmişdir. İstehsal edilən sitrik turşunun təxminən 60%-i qida sənayesində istifadə edilir. Bundan başqa 2005-ci ildə dünyada 750.000 ton dadlandırıcı və 300.000 ton qoruyucu maddə istehsal edilmişdir. 2004-cü ildən etibarən aspartam istehsalı isə 14.000 tondur. 2004-cü ildə AB ölkələrində qidalarda 190.000 ton, Almaniyada isə 36.000 ton aroma maddəsi istifadə edilmişdir. 1986-cı ildə 360.000 ton olan qlutamat istehsalı 2005-ci ildə 1,7 milyon tona çatmışdır. Dünyada illik qida qatqı maddələri bazarının 18 milyard avrodan çox olduğu bildirilir. 2005-ci il üçün dünyadakı ferment bazarının isə təxminən 2 milyard Amerika dolları olduğu və bunun da 0,6 milyard dollarının qida sənayesi üçün istifadə edildiyi təxmin edilir. Qida qatqı maddələri istehsalında texnologiya inkişaf etdikcə və istehsal artdıqca xərclər azalmışdır. Roche firması 1936-cı ildə 1 kq askorbin turşusu 1140 İsveçrə frankına satarkən, halhazırda 20 İsveçrə frankının altına düşmüşdür.