Kanserogen, yəni xərçəng əmələ gətirən maddələrdən uzaq durmaq önəmlidir. Çünki bütün xərçəng növlərinin 60%-dən çoxunun qarşısı alına bilən ətraf mühitə dair səbəblərə bağlı olduğu qəbul edilir. Normal hüceyrələrin xərçəng hüceyrələrinə çevrilməsinə səbəb olan başlıca faktorlar kimyəvi maddələr, ultrabənövşəyi şüalar, radiasiya kimi fiziki agentlər və viruslardır.
Qidalanma şəklimiz və yediklərimiz xərçəng əmələ gəlməsinə təsir etməkdədir. Yüksək yağ və zülal ilə aşağı lif ehtiva edən qidaları istehlak etməyin yoğun bağırsaq, məmə, rəhm, pankreas və prostat xərçəngləri riskini artırdığı ortaya qoyulmuşdur. Yanlış qidalanmanın bütün xərçənglərin 35% -dən məsul olduğuna inanılır. ABŞ Milli Elmlər Akademiyası və Milli Xərçəng İnstitutunun bu mövzudakı ilk təklifi qəbul edilən yağ miqdarını məhdudlaşdırmaqdır. Buna görə yağlardan alınan kalori, gündəlik kalori axımının 30%-ni keçməməlidir. Digər yandan lifli qidalara ağırlıq vermək, rəfinə qidalardan bacardıqca uzaq dayanılmalıdır. Xüsusilə təzə tərəvəz və meyvələr öncəlikli olaraq seçilməlidir. Son illərdə qəhvaltılıq buğda və qarğıdalı qırıntıları kimi işlənməmiş taxıl məhsulları istehlakı gedərək yayılır. Bu məhsullar lifli olduğu və çox əməliyyatdan keçmədiyi üçün təklif oluna bilər. Ancaq bu məhsullarda yüksək istilikdə bişirildiklərinə görə kanserogen bir maddə olan akrilamit çox meydana gəlir. Bu da bu məhsulların bir zərəridir. Qaçınılmasını təklif etdiyimiz bir digər məhsul hisə verilmiş qidalardır. Uzaq Şərq ölkələrindəki yüksək mədə xərçəngi sıxlığından hisli balıq yemə ənənəsinin məsul olduğu qəbul edilir. Ətləri bişirmədə kifayət qədər yanmamış manqal atəşi istifadə edilməsi də bəzi xərçəng əmələgətirən kimyəvi maddələrin meydana gəlməsinə səbəb olur. Köklüyün menopoz sonrası məmə, prostat, yoğun bağırsaq xərçəngi ehtimalını arttırdığına dair bir çox məlumat mövcuddur. Görüldüyü üzrə xərçəng ilə qidalanma şəkli və istehlak edilən qidalar yaxından əlaqəlidir. Doğru qidalanaraq və çox çəkidən xilas olaraq xərçəngə tutulma riskini azaldın.